கொழும்பு மாநகரத்தில் 2,000 பொலிஸ் குவிப்பு!
கிறிஸ்மஸ் மற்றும் புதுவருடக் கொண்டாட்டங்களை முன்னிட்டு, மக்களின் பாதுகாப்புக்காகவும் போக்குவரத்துக் கட்டுப்பாடுகளுக்காவும் கொழும்பு மாநகரம் முழுவதும் 2 ஆயிரம் பொலிஸார் பணிக்கமர்த்தப்பட்டுள்ளனர் எனத் தெரிவிக்கப்பட்டுள்ளது.
இன்று முதல் ஆரம்பிக்கப்பட்டுள்ள இந்த விசேட நடவடிக்கைகளின்போது, சிவில் உடையணிந்த பொலிஸ் அதிகாரிகளும் விசேட பொலிஸ் குழுக்களும் கொழும்பு முழுவதும் சேவையில் ஈடுபடுத்தப்படவுள்ளனர்.
பொதுமக்களுக்கு, பொதுப்போக்குவரத்துக்கு இடையூறு ஏற்படும் வகையில் செயற்படும் நபர்களுக்கு எதிராக சட்ட நடவடிக்கை எடுக்கப்படும் என்றும், மதுபோதையில் வாகனம் செலுத்தும் சாரதிகள் சம்பந்தமாக, இம்முறை விசேடமாக கவனத்தில் கொள்ளப்படும் என்றும் பொலிஸ் ஊடகப் பேச்சாளர் ருவன் குணசேகர தெரிவித்தார்.
