முகேஷ் அம்பானி மகளின் திருமண உடையின் பெறுமதி ரூபாய் 90 கோடியாம்!

முகேஷ் அம்பானியின் மகள் இஷா அம்பானி தனது திருமணத்தில் 90 கோடி ரூபாய் மதிப்பிலான லெஹங்கா அணிந்திருந்தார், அது ஏன் ஸ்பெஷல் தெரியுமா?

இஷா அம்பானியின் ஆடம்பர திருமண உடை
முகேஷ் அம்பானியின் இளைய மகன் ஆனந்த் அம்பானி தனது பால்ய தோழியான ராதிகா மெர்ச்சண்டை மணக்கத் தயாராகி வரும் நிலையில், அவரது மகள் இஷா அம்பானியின் சில ஆடம்பரமான தோற்றங்களை, குறிப்பாக அவரது ஆடம்பரமான திருமண உடையை பற்றிய சுவாரசியமான தகவலை மக்கள் கவனிக்க தவறுவதில்லை.

இஷா அம்பானி (Isha Ambani) ஆனந்த் பிரமாலை (Anand Piramal) 2018 டிசம்பரில் ஆடம்பரமான திருமண விழாவில் திருமணம் செய்து கொண்டார். அதே நேரத்தில் உலகின் மிகப்பெரிய பணக்காரர்களில் ஒருவரான முகேஷ் அம்பானி பிரமாண்டமான திருமண விழாக்களுக்காக ரூ 700 கோடி வரை செலவு செய்ததாக தெரிவிக்கப்பட்டது.

ஈஷா அம்பானியின் திருமணமானது பல ஆடம்பர ஏற்பாடுகளைக் கொண்டிருந்தாலும், அவரது திருமண லெஹெங்கா மக்களிடையே பேசுபொருளாக மாறியது, அதன் தனித்துவமான வடிவமைப்பால் மட்டுமல்ல, அதன் அபரிமிதமான விலையாலும்.

90 கோடி ரூபாய் லெஹங்கா

இஷா அம்பானி அபு ஜானி சந்தீப் கோஸ்லா வடிவமைத்த பெஸ்போக் லெஹெங்காவில் திருமணம் செய்து கொண்டார். அந்த ரொமாண்டிக் டிசைனர் லெஹங்காவின் விலை 90 கோடி ரூபாய். இலங்கை பணமதிப்பில் கிட்டத்தட்ட 400 கோடியாகும்.

லெஹங்காவின் தனித்துவமான தோற்றம் தலையைத் திருப்புவதற்கு போதுமானதாக இருந்தது, இஷா அம்பானிக்கு அவரது சிறப்பு நாளில் நேர்த்தியான மற்றும் அரச தோற்றத்தைக் கொடுத்தது. அபு ஜானி சந்தீப் கோஸ்லாவின் வடிவமைப்பில், ஆஃப்-ஒயிட் லெஹங்கா, மென்மையான சிவப்பு ஜர்தோசி பார்டர்கள் மற்றும் முகைஷ் மற்றும் நக்ஷி வேலைப்பாடுகளுடன் கூடிய மலர் வடிவங்கள் கொண்டிருந்தது.

இஷா அம்பானியின் தோளில் போடப்பட்ட அடர் சிவப்பு நிற எம்பிராய்டரி துணி, மற்றும் அவர் தலைக்கு மேல் வைத்த ஒரு வெள்ளை நிற துப்பட்டா என அந்த லெஹெங்கா இரண்டு துப்பட்டாக்களுடன் வந்தது.

90 கோடி ரூபாய் மதிப்பிலான லெஹெங்காவின் சிறப்பு என்னவெனில், 35 ஆண்டு பழமையான நிதா அம்பானியின் திருமணப் புடவையை இணைத்து தைக்கப்பட்டிருந்தது.

ரூ.700 கோடி செலவானது

இஷா அம்பானியின் திருமணத்தில் சர்வதேச பாப் இசையமைப்பாளர் பியோன்ஸ் மற்றும் பாலிவுட் தோற்றங்களான அமிதாப் பச்சன், பிரியங்கா சோப்ரா, சச்சின் டெண்டுல்கர், ஷாருக்கான் மற்றும் பிற முக்கிய முகங்களின் நட்சத்திர நிகழ்ச்சியும் இடம்பெற்றது.

இஷா அம்பானியின் மொத்தத் திருமணத்திற்கு சுமார் ரூ.700 கோடி செலவானது, விழா முடிந்ததும், தொழிலதிபரும் அவரது கணவர் ஆனந்த் பிரமலும் ரூ.450 கோடி மதிப்பிலான கடற்கரை முகப்பு மாளிகைக்கு குடிபெயர்ந்தனர்