பாரிய வீழ்ச்சியை நோக்கி நகரும் பிரித்தானிய பொருளாதாரம்!
செப்டம்பர் முதல் மூன்று மாதங்களில் பிரித்தானியாவின் பொருளாதாரம் நினைத்ததை விட வீழ்ச்சியடைந்துள்ளதாக புள்ளிவிவரங்கள் காட்டுகின்றன.
வணிக முதலீடு நினைத்ததை விட மோசமாகச் செயல்பட்டதால், முந்தைய மதிப்பீட்டான 0.2 வீதத்துடன் ஒப்பிடும்போது, பொருளாதாரம் 0.3 வீதம் வீழ்ச்சியடைந்துள்ளதாக தேசிய புள்ளியியல் அலுவலகம் (ONS) தெரிவித்துள்ளது.
உயரும் விலைகள் வளர்ச்சியைத் தாக்குவதால், ஆண்டின் இறுதி மூன்று மாதங்களில் பிரித்தானியா மந்தநிலையில் விழும் என்று கணிக்கப்பட்டுள்ளது.
ஒரு நாட்டின் பொருளாதாரம் இரண்டு மூன்று மாத காலத்திற்கு – அல்லது காலாண்டுகளுக்கு – ஒரு வரிசையில் வீழ்ச்சியடையும் போது அது மந்தநிலையில் இருப்பதாகக் கருதப்படுகிறது.
பொதுவாக நிறுவனங்கள் குறைவான பணம் சம்பாதிக்கின்றன, ஊதிய வீழ்ச்சி மற்றும் வேலையின்மை அதிகரிப்பு, பொதுச் சேவைகளில் பயன்படுத்துவதற்கு வரியில் குறைவான பணத்தை அரசாங்கத்திற்கு விட்டுச்செல்கிறது.
எங்கள் திருத்தப்பட்ட புள்ளிவிவரங்கள், கடந்த ஆண்டில் நாங்கள் மதிப்பிட்டதை விட பொருளாதாரம் சற்று குறைவாகவே செயல்பட்டதைக் காட்டுகிறது என தேசிய புள்ளியியல் அலுவலகத்தின் பொருளாதாரப் புள்ளியியல் இயக்குநர் டேரன் மோர்கன் கூறினார்.