21 வயது மூத்தவரை மணந்த பெண்ணுக்கு நேர்ந்த கொடுமை!

பிரித்தானியாவில் தன்னை விட 21 வயது அதிகமான நபரை காதலித்து மணந்ததை பெருமையாக சொல்லி வந்த பெண்ணுக்கு கணவரின் சுயரூபம் தெரிந்த நிலையில் மனம் நொந்து போயுள்ளார்.

Madison Dunn என்ற பெண் கடந்த 2014ஆம் ஆண்டு மிஸ் Lancashire என்ற அழகி பட்டத்தை வென்றவர் ஆவார். 25 வயதான Madisonக்கும் 46 வயதான David Dunnக்கும் கடந்த 2015ல் பேஸ்புக் மூலம் நட்பு ஏற்பட்டிருக்கிறது.

இது பின்னாளில் காதலாக மாறியது, அதாவது தன்னை விட 21 வயது அதிகமானவர் என்பதையும் மீறி David மீது காதல் கொண்டார் Madison.

மேலும் அப்போது பல தொலைக்காட்சி நிகழ்ச்சியில் பங்கேற்ற அவர் தன்னை விட வயது அதிகமான நபரை காதலிப்பது பெருமையாக உள்ளது என Davidன் புகழ் பாடி வந்தார். திருமணத்துக்கு முன்னரே Madison கர்ப்பமும் ஆனார், இந்த நிலையில் கடந்த 2017ல் இருவரும் திருமணம் செய்து கொண்டு தேனிலவு சென்றனர்.

அங்கிருந்து தான் Madison வாழ்க்கை நரகமாக மாற தொடங்கியது, அதன்படி David தனது மனைவியை அடித்து கொடுமைப்படுத்த தொடங்கினார். வீட்டு படிக்கட்டுகளில் தலைமுடியை பிடித்து தரதரவென இழுத்து தினமும் அடித்துள்ளார்.

இது தொடர்பான Madisonன் புகாரின் பேரில் பொலிசார் David-ஐ கைது செய்த நிலையில் இரண்டு மாதத்தில் வெளியில் வந்து மீண்டும் மனைவியை துன்புறுத்தினார்.

இந்த நிலையில் David-ஐ கடந்த ஆண்டு விவாகரத்து செய்த Madison அவர் மீது வழக்கு தொடர்ந்தார். இந்த வழக்கில் Davidக்கு 22 மாதங்கள் சிறை தண்டனை விதிக்கப்பட்டது. கடந்த நவம்பர் முதல் அவர் சிறையில் உள்ளார்.

Madison கூறுகையில், நான் தூங்கி எழுந்தவுடன், எனது முன்னாள் கணவர் காவலில் இருக்கிறார் என்பதையும், அதனால் என்னையும் என் குடும்பத்தையும் காயப்படுத்த முடியாது என்பதையும் நினைத்து நிம்மதி அடைவேன்.

ஏனென்றால் அந்த அளவுக்கு எனக்கும் என் குடும்பத்தாரும் அவர் தொல்லை கொடுத்திருக்கிறார். இதை மற்ற பெண்களுக்கு நான் எச்சரிக்கையாகவே சொல்கிறேன், துணையை கவனமாக தேர்ந்தெடுங்கள்.

அவருக்கு குறைந்தபட்ச தண்டனையே கொடுக்கப்பட்டுள்ளது, அதாவது எனக்கு அவரிடம் இருந்து தற்காலிக சுதந்திரமே கிடைத்திருக்கிறது.

அவரின் கொடுமையால் எனக்கு PTSD எனப்படும் மன நோய் பிரச்சினை ஏற்பட்டுவிட்டது. இன்னும் நாட்டில் நீதி அமைப்புகள் சீர்த்திருத்தப்பட வேண்டும் என கூறியுள்ளார்.