ஞானசார தேரருக்கு ரூ.3 இலட்சம் வழங்க நீதிமன்றம் உத்தரவு!
நிப்போன் ஹோட்டலில் நடைபெற்ற ஊடகவியலாளர் சந்திப்பில் பலவந்தமாக பிரவேசித்த குற்றச்சாட்டில் குற்றத்தை ஒப்புக்கொண்ட பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரர் உள்ளிட்ட குழுவினருக்கு 3 லட்சம் ரூபாய் தொகையை வழங்குமாறு நீதிமன்றம் இன்று உத்தரவிட்டுள்ளது.
வடரக விஜித தேரர் 2014 ஆம் ஆண்டு ஏப்ரல் மாதம் 9 ஆம் திகதி இந்த ஊடகவியலாளர் சந்திப்பை நடத்தினார்.
அவர்கள் பத்திரிகையாளர் சந்திப்பில் சட்டவிரோதமாக நுழைந்ததாகவும், குற்றவியல் பலாத்காரத்தைப் பயன்படுத்தியதாகவும், சட்டவிரோதமான சபையில் உறுப்பினர்களாக இருந்ததாகவும் குற்றம் சாட்டப்பட்டது.
இந்த வழக்கு கொழும்பு கோட்டை நீதவான் திலின கமகே முன்னிலையில் விசாரணைக்கு எடுத்துக் கொள்ளப்பட்ட போது, சந்தேகநபர்கள் சார்பில் ஆஜரான சட்டத்தரணிகள் குற்றத்தை ஒப்புக்கொண்டமைக்காக திறந்த நீதிமன்றில் தண்டனை விதிக்கப்பட்டது.
ஏனைய குற்றச்சாட்டுக்கள் தொடர்பில் எச்சரிக்கையுடன் தீர்த்துக்கொள்ள இரு தரப்பினருக்கும் நீதவான் அனுமதி வழங்கியுள்ளார்.
சம்பவம் தொடர்பில் பிணையில் உள்ள பொதுபல சேனாவின் பொதுச் செயலாளர் கலகொடஅத்தே ஞானசார தேரர், விதாரனாதெனிய நந்த தேரர், வெலிமட சந்திரதன தேரர் உள்ளிட்ட 7 பேர் இன்று திறந்த நீதிமன்றில் முன்னிலையாகினர்.
