சாமியாராக மாறிய பிரபல நடிகை!
![](https://i0.wp.com/puthusudar.lk/wp-content/uploads/2023/02/Screenshot_20230207-2131207E2.png?resize=618%2C427&ssl=1)
சாமியார் தோற்றத்தில் இருக்கும் நடிகை தமன்னாவைப் பார்த்து ரசிகர்கள் அதிர்ச்சி அடைந்துள்ளனர்.
தமிழ், தெலுங்கு, ஹிந்தி போன்ற மொழிகளில் பிஸியான நடிகையாக இருப்பவர் தான் தமன்னா. நடிகை தமன்னா ஹிந்தி திரைப்படத்தின் மூலம், திரையுலகில் அறிமுகமாகி இருந்தாலும், இவரை பிரபல நடிகையாக மாற்றியது தமிழ் சினிமாதான்.
தமிழில் கேடி திரைப்படத்தில் அறிமுகமாகி சிறு சிறு பட்ஜெட் படங்களில் நடித்து வந்தார். அதற்கு பிறகு தமிழ் சினிமாவில் இருந்த அத்தனை முன்னணி நடிகர்களுக்கும் ஜோடியாக நடித்துவிட்டார்.
குறிப்பாக தெலுங்கில், இவர் பிரபாஸுக்கு ஜோடியாக பாகுபலி படத்தில் நடித்தது, தமன்னாவை உலக அளவில் கவனிக்க வைத்தது. தற்போது, ரஜினி நடிக்கும் ஜெயிலர் படத்தில் நடிகை தமன்னா நடிக்க உள்ளதாக அதிகாரபூர்வமாக அறிவிப்பு வெளியாகியுள்ளது.
இவர் சமூக வலைத்தளத்திலும் மிகவும் ஆக்டிவாக இருந்து வருகிறார். இவ்வாற நிலையில் சாமியார் கோலத்தில் ஒரு வீடியோ ஒன்றை வெளியிட்டுள்ளார். அதனைப்பார்த்து அதிர்ச்சியில் சூழ்த்து இருக்கிறார்கள்.
சமீப காலமாக ஆன்மிக விஷயங்களில் தமன்னா ஈடுபாடு காட்டி வருவதை பார்க்க முடிகிறது. படப்பிடிப்பு இல்லாத நாட்களில் கோவில்களுக்கு செல்வதை வழக்கமாக வைத்துள்ளார்.
சில மாதங்களுக்கு முன்பு இமயமலை பகுதியில் ஆன்மிக பயணம் மேற்கொண்டார். பிரசித்தி பெற்ற வைஷ்ணவி தேவி கோவிலுக்கும் சென்று வந்தார்.
ஆன்மிக பயணம் தனக்கு முதல்முறையாக உற்சாகமான உணர்வை தந்தது என்றார். இந்நிலையில், தமன்னா தனது இன்ஸ்டாகிராம், யூடியூப் பக்கத்தில் ஒரு வீடியோவினை பகிர்ந்துள்ளார். இதில் ஈஷாவில் உள்ள லிங்கபைரவி கோவிலை பற்றி ஆன்மீகமாக கூறியுள்ளார்.
மேலும், இந்த வீடியோவிற்கு நடிகை சமந்தா பைரவி தேவி எனவும் நடிகை காஜல் அகர்வால் சாமி கும்பிடும் எமோஜிகளையும் பதிவிட்டுள்ளனர்.