இங்கிலாந்தை வீழ்த்தி இறுதிப்போட்டிக்கு முன்னேறியது இந்தியா!

172 ஓட்டங்கள் எடுத்தால் வெற்றிஎன்ற இலக்குடன் இங்கிலாந்து அணி துடுப்பெடுத்தாட களமிறங்கியது.

தொடக்க ஆட்டக்காரராக ஜோஸ் பட்லர் – பில் சால்ட் களமிறங்கினர். ஜாஸ் பட்லர் அதிரடி ஆட்டத்தை வெளிப்படுத்தினார்.

குறிப்பாக இந்திய சுழற்பந்துவீச்சாளர்களின் பந்து வீச்சு மிகச்சிறப்பாக இருந்தது. இதன் காரணமாக மொயீன் அலி(8), பேர்ஸ்டோவ்(0), சாம் கரன்(2) ஹாரி புரூக்(25) அடுத்தடுத்து ஆட்டமிழந்து வெளியேறினர்.

லிவிங்ஸ்டன் 11ஓட்டங்கள் எடுத்திருந்த நிலையில், ரன் அவுட் ஆகி வெளியேறினார்.

இந்திய அணி சார்பில் குல்தீப் யாதவ், அக்சர் படேல் தலா 3 விக்கெட்டுகளை கைப்பற்றினர். ஆட்டநாயகன் விருது அக்சர் படேலுக்கு வழங்கப்பட்டது. இதேவேளை, இறுதிப்போட்டியில் தென் ஆபிரிக்கா அணியை இந்திய அணி எதிர்கொள்ளவுள்ளது.

இரண்டாம் இணைப்பு

இந்திய அணியின் தொடக்க ஆட்டக்காரர்களாக ரோகித் சர்மாவும், விராட் கோலியும் களமிறங்கினர். பெரிதும் எதிர்பார்க்கப்பட்ட கோலி 9 ஓட்டங்களில் ஆட்டமிழந்து ஏமாற்றமளித்துடன் சிறிது நேரத்தில் ரிஷப் பண்ட்டும் (4) ஓட்டங்களில் ஆட்டமிழந்தார்.

இந்நிலையில் ரோகித்துடன் சூர்யகுமார் யாதவ் இருவரும் அதிரடியாக விளையாடி அணியின்புள்ளியை உயர்த்தினர். நடுவே மழையால் ஆட்டம் பாதிக்கப்பட்டது.

 மீண்டும் போட்டி ஆரம்பம்

சிறப்பாக விளையாடிய ரோகித் சர்மா, அரைசதம் அடித்த நிலையில், 57 ஓட்டங்களுக்கு ஆட்டமிழந்தார். அரைசதம் அடிப்பார் என எதிர்பார்க்கப்பட்ட சூர்யகுமார் யாதவும் ஆட்டமிழந்தார்.

ஹர்திக் 23 ஓட்டங்கள் எடுத்தார். சிவம் துபே டக் அவுட்டானார். அக்சர் படேல் 10 ஓட்டங்கள் எடுத்தார்.

இறுதியில், இந்திய அணி 20 ஓவர்கள் முடிவில் 7 விக்கெட் இழப்புக்கு 171 ஓட்டங்கள் எடுத்துள்ளது.

இதனை தொடர்ந்து 172 ஓட்டங்கள் எடுத்தால் வெற்றி என்ற இலக்குடன் இங்கிலாந்து அணி துடுப்பாடவுள்ளது.

முதலாம் இணைப்பு

நடப்பு ரி20 உலகக்கிண்ண தொடரில் தென்னாப்பிரிக்காவை எதிர்கொள்ளும் வாய்ப்பை தக்கவைக்கும் அணிக்கான சவால் மிக்க ஒரு போட்டி தற்போது ஆரம்பமாகியுள்ளது.

முதலாவதாக இறுதிப்போட்டிக்குள் ஆஃப்கான்(Afghanistan) அணியை வீழ்த்திய தென்னாபிரிக்க(South Africa) தனது கிரிக்கட் வரலாறில் ஒரு மைல் கல்லை தொட்டுள்ள நிலையில் இரண்டாவதாக இறுதிப்போட்டிக்கு நுழையும் அணி இந்தியாவா இங்கிலாந்தா(England) என்பதை இன்றைய போட்டி தீர்மானிக்க உள்ளது.

இந்திய அணி

மறுமுனையில் 2010இலும் 2022இலும் உலக சம்பியனான இங்கிலாந்து, மூன்றாவது முறையாகவும் கோப்பையை சுவிகரிக்கும் பாதையில் களமிறங்கியுள்ளது இந்த இரண்டு அணிகளும் கடைசியாக ரி20 உலகக் கிண்ண அரையிறுதியில் இந்தியா நிர்ணயித்த 169 என்ற இலக்கை விக்கட் இழப்பின்றி கடந்து சாதனை படைத்தது.

ரி20 உலகக் கிண்ணத்தில் இந்தியாவும் இங்கிலாந்தும் 4 சந்தர்ப்பங்களில் ஒன்றையொன்று எதிர்த்தாடியுள்ளன.

அவற்றில் இரண்டு அணிகளும் இந்தியா (2007), இங்கிலாந்து (2009), இந்தியா (2012), இங்கிலாந்து (2022) என மாறிமாறி வெற்றிபெற்று தலா 2 வெற்றிகளுடன் சமநிலையில் காணப்படுகின்றது.

இன்றைய போட்டியில் நாணய சுழற்சியில் வெற்றிகொண்ட இங்கிலாந்து முதலில் களத்தடுப்பை தேர்வு செய்துள்ளது.

இது இங்கிலாந்துக்கு சாதகமாக கருதப்படுகின்றது. காரணம் குறித்த போட்டிக்கு முன்னர் மழை குறிக்கிட்டதால் போட்டி பந்துவீச்சாளர்களுக்கு சாதகமாக அமைந்துவிடும் இதனை சாதகமாக பயன்படுத்தவே இங்கிலாந்து களத்தடுப்பை தேர்வு செய்துள்ளது.

எனினும் இந்தியாவின் அதிரடி துடுப்பாட்டம் இங்கிலாந்து பந்துவீச்சாளர்களுக்கு சவால் விடுமா என்பதை பொறுத்திருந்து தான் பார்க்கவேண்டும்.