பாகிஸ்தானுக்கு அதிர்ச்சி தோல்வி கொடுத்த அயர்லாந்து

டப்லினில் நடந்த முதல் டி20 போட்டியில் அயர்லாந்து அணி 5 விக்கெட் வித்தியாசத்தில் பாகிஸ்தானை வீழ்த்தியது.

பாகிஸ்தான் மற்றும் அயர்லாந்து அணிகளுக்கு இடையிலான முதல் டி20 போட்டி டப்லினில் நடந்தது.

முதலில் துடுப்பாடிய பாகிஸ்தான் அணி 6 விக்கெட் இழப்பிற்கு 182 ஓட்டங்கள் குவித்தது. அணித்தலைவர் பாபர் அசாம் 43 பந்துகளில் ஒரு சிக்ஸர், 8 பவுண்டரிகளுடன் 57 ஓட்டங்கள் விளாசினார்.

பின்னர் களமிறங்கிய அயர்லாந்து அணியில் பால் ஸ்டிர்லிங் 8 ஓட்டங்களிலும், டக்கர் 4 ஓட்டங்களிலும் ஆட்டமிழந்தனர். அடுத்து வந்த டெக்டர் 27 பந்துகளில் 36 ஓட்டங்களும், டக்கெரல் 12 பந்துகளில் 24 ஓட்டங்களும் விளாசினர்.

அதிரடியில் மிரட்டிய ஆண்ட்ரூ பால்பிரிணி 55 பந்துகளில் 2 சிக்ஸர், 10 பவுண்டரிகளுடன் 77 ஓட்டங்கள் குவித்து ஆட்டமிழந்தார்.