உறங்குவதில் ஏற்படும் சிக்கல் பக்கவாதம் ஏற்படும் அபாயம்!
உறங்குவதில் பிரச்சினை இருப்பவர்களுக்குப் பக்கவாதம் ஏற்படும் ஆபத்து அதிகம் என்று ஆய்வொன்றில் தெரியவந்துள்ளது.
அதற்கமைய, தூக்கத்தின் தரம் குறைந்திருப்பதற்கான அறிகுறிகளில் ஒருசில…
![Sleep](https://i0.wp.com/media.cnn.com/api/v1/images/stellar/prod/181218105331-01-nightmares.jpg?w=800&ssl=1)
- குறட்டை
- மூக்கின் மூலம் சரியாக மூச்சு விடமுடியாதது
- மெத்தையில் திரும்பிக்கொண்டே இருப்பது
- இரவெல்லாம் கண்விழித்துப் பகலில் நீண்டநேரம் தூங்குவது
- மிகக் குறைவாகத் தூங்குவது
- அளவுக்கு மீறித் தூங்குவது
அதுபோன்ற ஐந்துக்கு மேற்பட்ட அறிகுறிகளைக் கொண்டவர்களுக்கு, தூக்கப் பிரச்சினை இல்லாதவர்களைக் காட்டிலும் பக்கவாதம் ஏற்படும் ஆபத்து 5 மடங்கு அதிகம் என்கிறார் அயர்லந்தின் கால்வே பல்கலைக்கழகத்தின் (University of Galway) ஆய்வாளர் கிறிஸ்டீன் மெக்கார்த்தி (Christine McCarthy).
அவர் நடத்திய INTERSTROKE எனும் அனைத்துலக ஆய்வில் 4,500க்கும் மேற்பட்டவர்கள் கலந்துகொண்டனர்.
![Sleep](https://i0.wp.com/www.sleephealthsolutionsohio.com/wp-content/uploads/sleep-deprivation-side-effects.jpg?w=800&ssl=1)
அவர்களில் 2,200க்கும் மேற்பட்டவர்களுக்குப் பக்கவாதம், ரத்தங்கட்டுதல் போன்ற உடல்நலக் கோளாறுகள் இருந்தன.
அத்தகையோரின் தூக்கத்தின் தரம் குறைவாகக் காணப்பட்டது.
ஆய்வில் தெரியவந்தது..
- நாள்தோறும் சராசரியாக 5 மணி நேரத்துக்கும் குறைவாகத் தூங்குவோருக்குப் பக்கவாதம் ஏற்படுவதற்கான ஆபத்து மும்மடங்கு அதிகம்
- நாள்தோறும் சராசரியாக 9 மணி நேரத்துக்கும் அதிகமாகத் தூங்குபவர்களுக்குப் பக்கவாதம் ஏற்படுவதற்கான ஆபத்து இரு மடங்கு அதிகம்
- பெரியவர்கள் நாளுக்கு 7 மணிநேரம் தூங்குவது ஆரோக்கியமானது.