அமெரிக்காவில் தற்கொலை விகிதம் அதிகரிப்பு!

அமெரிக்க தற்கொலை விகிதம் 2021 இல் அதிகரித்துள்ளது, வெள்ளிக்கிழமை வெளியிடப்பட்ட அதிகாரப்பூர்வ தரவுகளின்படி இந்த விடயம் தெரியவந்துள்ளது.

நோய் கட்டுப்பாடு மற்றும் தடுப்பு மையங்கள் (CDC) வெளியிட்ட முதற்கட்ட புள்ளிவிவரங்களின்படி, தற்கொலைகளின் எண்ணிக்கை 2020 இல் சுமார் 46,000 லிருந்து 2021 இல் 47,650 ஆக உயர்ந்துள்ளது.

100,000 பேருக்கு வயதுக்கு ஏற்ப தற்கொலை விகிதம் 2020 இல் 13.5 ஆக இருந்து கடந்த ஆண்டு 14 ஆக அதிகரித்துள்ளது. 

15 மற்றும் 24 வயதுக்கு இடைப்பட்ட இளம் சிறுவர்கள் மற்றும் ஆண்களிடையே மிகவும் குறிப்பிடத்தக்க அதிகரிப்பு காணப்பட்டதுடன், இது எட்டு சதவீதம் உயர்ந்துள்ளது.

2000 ஆம் ஆண்டில், ஒரு தசாப்தத்தின் வீழ்ச்சிக்குப் பிறகு, அமெரிக்காவில் 100,000 பேர் தற்கொலை செய்துகொள்வதன் மூலம் 10 இறப்புகள் என்ற மிகக் குறைந்த எண்ணிக்கையில் பதிவு செய்யப்பட்டது.

1990 களில் குறைவதற்கு பங்களித்த விஷயங்களில் ஒன்று தற்கொலைக்கான ஆபத்தை குறைக்க உதவும் மருந்துகளின் வருகையாகும் என்று தற்கொலை தடுப்புக்கான அமெரிக்க அறக்கட்டளையின் ஜில் ஹர்கவி-பிரைட்மேன் கூறியுள்ளார்.

2021 இன் தரவு, ஆண்களின் தற்கொலை விகிதம் பெண்களை விட நான்கு மடங்கு அதிகம் என்று காட்டுகிறது, இது கடந்தகால போக்குகளுக்கு ஏற்ப உள்ளது.

முன்வைக்கப்பட்ட காரணங்களில், ஆண்கள் ஆபத்தான வழிகளைப் பயன்படுத்துவதற்கான வாய்ப்புகள் அதிகம், மேலும் மனநல உதவியைப் பெறுவதில் அதிக சிரமம் உள்ளதாக கூறப்படுகின்றது.

நோய் கட்டுப்பாடு மற்றும் தடுப்பு மையங்களின் கூற்றுப்படி, 10-34 வயதுடையவர்களிடையே தற்கொலைகள் மரணத்திற்கு இரண்டாவது முக்கிய காரணம் என்று சுட்டிக்காட்டப்பட்டுள்ளது.